Хотол баясгалант хээг өлзий хээний дүрслэл бэлэгдэлийг алдагдуулахгүйгээр бэлэгдэлийн утга дээр хязгааргүй үргэлжлэх төгсгөлгүй санааг нэмэх зорилготойгоор холбоос дүрслэлийн тасралтгүй үргэлжилэх зарчим баримтлан бүтээв. Бүх төрлийн чимэглэлд зориулан чимэглэлийн хээний чиглэлд шинэ төрөлийн бүтээгдэхүүний загаваруудыг оруулж ирсэнээрээ ач холбогдолтой, шинэлэг шийдэлтэй болсон.

Хотол баясгалант хээний цомог нь өлзий хээг хэд хэдээр нь болон төгсгөлгүй олноор нь өвөрмөц байдлаар холбох аргаар нийт 60 төрөлөөр бүтээгдсэн. Үүнд: Хорол буюу дугуй загварын 4, дунуй, дөрвөлжин хүрээ загварын 3, шугаман загварын 2, булангийн 2, тайз чимэглэлийн болон бүрдэл 2, тоо цифрийн 10, цагаан толгойн үсгийн 35, өлзий хас хээний 2 гэсэн 60 загвараар зохиогдсон.

Хээг зохиомжлохдоо чимэглэлийн хээ тул өнгө, хэмжээг гол болголгүй өлзий хээнүүдийн хоорондох холбоос, байршилын өвөрмөц шийдэлийг гол болгон зохиомжлов.